Sincere Love - Yes they love each other sincerely....!

అనగనగా ఒక software అమ్మాయి - జాబు పనిమీద onsite (అమెరిక) కి  వెళ్ళి ప్రేమలో మునిగిపోయింది, చివరికి  ఏమి జరిగింది? తన ప్రేమ సక్సెస్ అయిందా? అనేదే ఈ .

True Love Means What ?

            ఉండటానికి ఇల్లు, తినడానికి తిండి, కర్చుపెట్టడానికి చేతిలో డబ్బు, షికారు కొట్టడానికి తోడుగా స్నేహితులు అన్నీ వున్నా... అందరూ వున్నా... మన కష్ట సుఖాలని పంచుకునే ఒక తోడు/హృదయం లేనిదే ఆ జీవితానికే సంతృప్తి వుండదు. అలాంటి సరిజోడైన తోడు దొరికిన రోజు మనకి నిజమైన ప్రేమ లబించినట్టే - nothing but True Love... 

          

                  

                   

             

Let's TRY TO DO HELP (or) LEAVE OTHERS TO DO HELP..!

అరె చూడు చూడు నీళ్ళు... బలే ఎర్ర రంగులో వున్నాయే చూడు ఇలా(..
                చెప్పుకుంటూ ఆడుకుంటున్న చిన్న పిల్లలు..

                తీరా చూస్తే రక్తం, రోడ్డు నిండా జలపాతంలా కారుతుంది. 

      

ఏంటి ఈ రక్తం? ఎక్కడనుంచా? అని చుస్తూ రోడ్డు మీద వస్తూ పోయే వాళ్ళని విచారిస్తూ వుండగా రోడ్డుకి అడ్డంగా పెళ్లి బోజనాలకి వచ్చినట్టుగా గుంపులు గుంపులుగా నుంచుని వున్న జనాలను చూసి బహుశా ఏదో పెళ్ళో / నాటకమో జరుగుతుందేమో అనుకుని పట్టించుకోకుండా వెళ్ళిపోతున్న నా పాములాంటి చెవులకి "ఒక పెద్ద బస్సు ప్రమాదం జరిగిందట. బస్సు వెళ్లి ఒక పెద్ద లారి ట్రక్ కు గుద్డుకుందంట. అని మాటలు వినిపించాయి." 

ఆరా తీసి వెళ్లి చుస్తే... గుంపులు గుంపులు నుంచుని అందరూ వింతగా చూస్తున్న ఆ నాటకం ఇదే! కానీ నేను వెళ్ళే సరికే సగం ఘోరం జరిగిపోయింది పరిస్తితి చేజరిపోయిందని అనిపించింది.  ఆ సంగటన జరిగిన వాతావరణంలో ఎంతో మంది తమ ప్రాణాలని కోల్పోయారు, మరికొంతమంది కోల్పోడానికి సిద్దంగా వున్నారు. ఇంకొంతమంది తమరికి ఎవరైనా సహాయం అందించక పోతారా అనని ఎదురు చూస్తున్నారు, మిగిలిన ఆ కొంత మంది కూడా ప్రాణాలను అరిచేతుల్లో పెట్టుకుని సహాయం చేసే చేతుల కోసం ఎదురు చూస్తున్నారు..  

వారి కళ్ళల్లో దాగివున్న దీనమైన చూపులు బ్రతకాలని పరితపించే వారి ఆవేదనని చూసి కూడా ఒక్కరూ ముందుకు రాలేదు వాళ్ళని హాస్పిటల్ కి తీసుకు వెళ్ళడానికి! కనీసం అంబులన్స్ కి అయినా ఫోన్ చేసారో లేదో? అది కనుక్కునే సమయం కూడా నాదగ్గర లేదు ముందు నేను ఎలాగైనా సరే కనీసం మిగిలి వున్న ప్రాణాలని అయినా కాపాడాలని అనుకున్నాను. 

         ముందడుగు వేశాను....  నా అడుగు వేయడం పూర్తికాకుండానే అరె ఎక్కడికి బాబు ముందుకు వెళ్తున్నావు అది సంఘటన జరిగిన ప్రదేశం! అక్కడికి వెళ్తే నీ వేలి ముద్రలు కూడా పడతాయి మళ్లీ నువ్వుకూడా కోర్ట్ లూ కేసులు అంటూ జైళ్ళ వెంట తిరగాల్సి వస్తుంది రా వెనక్కి వచ్చి మాతోపాటు ఇక్కడే నుంచుని చూడు..  

       అదేమన్నా తోలుబొమ్మలాట? వెనకే వుండి చూడటానికి? అననిపించింది. అయినా సహాయం చేస్తే ఆ వేలిముద్రల వల్ల మనం కూడా జైలుకు వెళ్ళాల్సి వస్తుంది అని చెప్పిన ఆమె తెలివికి మెచ్చుకోవాలో ఏడవాలో నాకు అర్థమే కాలేదు.  ఆమె మాటలని పట్టించుకోకుండా దగ్గరికి చేరుకునేలోపే అయ్యో అయ్యో అని గుండెలు బాదుకుంటూ మా ఆయన చనిపోయరే కాపాడండి అయ్యా కాపాడండి, కనీసం మమ్మల్ని అయినా కాపాడి పుణ్యం కట్టుకోండి అయ్యా..! అననే ఆర్తనాదాల వినికిడికి నా చెవులు ముసుకునిపోయి కళ్ళ నుంచి నీళ్ళు వచ్చాయి. 

ముందుగా 108 కి కాల్ చేసి పరిస్తితి వివరించాను.  అంత విషాదకరమైన సంఘటనని చూసాక కూడా ఒక్కరికీ మనసు కరగటంలేదు, ఎవరూ ముందుకు రావడంలేదు సహాయం చేయటానికి.

మనం ఇంకా మనిషికి మనిషికి సహాయం చేసుకునే కాలంలోనే బ్రతుకుతున్నామా? లేక జంతువుల లాగా అడవిలో బ్రతుకుతున్నామా ? అనని ఒక్కసారిగా సందేహం వేసింది.  

కనీసం అంబులన్స్ వచ్చేలోపల ఫస్ట్ఎయిడ్  చేసి కొంత మందిని అయినా కాపాడాలని ప్రయత్నించాను కానీ నన్ను ముందుకు వెళ్ళనీయకుండా ఆపే ఈ సైనుకుల నుండి తప్పించుకుని వెళ్ళడానికి పట్టే సమయంలో ఇంకొంత మంది ప్రాణాలను కోల్పోయేలా వున్నారు. చివరికి అంబులెన్సు రానే వచ్చింది కానీ ప్రయోజనమే లేకపోయింది అప్పటికే ఒక్కరి నుంచి సహాయం అందక అందరూ చనిపోయారు. నా కన్నీటికి అడ్డు లేకుండా పోయింది. కనీసం ఒక్కరి ప్రాణాలను కూడా కాపాడలేకపోయిన నా ప్రాణాలు వున్నా ఒక్కటే లేకపోయినా ఒక్కటే ? ఇంక నేను చేసేదేమీ లేక మనసులోనే వాళ్ళందరికీ క్షమాపణ చెప్పాను. 

ఓ ప్రియ్తమైన స్నేహితులారా ! మీరు ఏ లోకంలో వున్నా మీ మనసుకి ప్రశాంతత కలగాలని కోరుకుంటూ 

                               విశ్రాంతి కలిగి హాయిగా నిదురించాలని ఆసిస్తూ సహాయం చేయలేకపోయిన ఓ అజ్ఞాత వ్యక్తి.  

                                                                                 

  

So friends! I am requesting you to please help others when they are in need...

At least don't stop others when they are ready to do help. please leave them freely TO DO HELP.  

Let's Try to do Help..! (or) Leave others to do help..!

    

ఇది నిజమైన కధ కాకపోవచ్చు కానీ ఇలాంటి సంఘటనలు మాత్రం జరగడం లేదు అనుకోకండి, ఈ లోకంలో కొంతమంది సహాయం చెయ్యరు చేసేవాళ్ళని చెయ్యనివ్వరు అది బహుశా భయం వల్ల కావచ్చు లేదా ఆ సంఘటన జరిగింది నా వాళ్ళకి కాదుగా అననుకోవచ్చు మరింకేదైనా కారణం కావచ్చు. అలాంటి వాళ్ళ మాటలను లెక్కచేయకుండా మీ వంతు సహాయం చేయాలని ఒక భారతీయ పౌరుడిగా మీ భాద్యతని మీరు నిర్వర్తించాలని కోరుకుంటూ సెలవు తీసుకుంటున్న మీ Teju Innovations....! 

                              

Understanding Love

(A speechless understanding love between wife & husband )

--------------------------------------------------------------------------------------------------------

ప్రేమ్ చేతులు ఐశ్వర్య చీరను వెతుకుతున్నాయి... ఎందుకో తెలుసా?                         అలారం ప్రొద్దున్నే 5 గంటలకు చిన్న కూతతో మోగీ మోగగానే టక్కున నిద్ర లేచి తన పక్కన గురక పెట్టి మరీ పడుకొని వున్న తన భార్య చీరను తడిమి, తన మొహం కనపడకుండా అడ్డుగా వున్న వెంట్రుకలను పక్కకు తీసి, 5 నిమిషాల పాటు తన మొహాన్ని కన్నార్పకుండా చూస్తూ            తన తల మీద ప్రేమతో ఒక చిన్న ముద్దు పెట్టి,           ఐ లవ్ యు డార్లింగ్,           మేరి జానూ ...,,, 

          స్వీట్ హార్ట్           నేను నిన్న ఏమైనా అనుంటే సారీ రా ప్లీజ్ క్షమించేయ్... పర్వాలేదులే నీ మొగుడినేగా క్షమించేయ్ లే(..... 

          అని చిన్నగా చెవిలో చెప్పి మళ్ళి నిద్రపోతాడు ప్రేమ్.                   

ఆ స్పర్శకి, తను చెప్పే గుసగుసలకి గురక పెట్టి మరీ నిద్రపోతున్న ఐశ్వర్య నిద్ర లేచి ప్రేమ్ మొహాన్ని చూస్తూ హ్మ్.... నేను నిన్నే మర్చిపోయానులే. నిన్న మనం పడ్డ గొడవలు అన్నీ, నిన్నే మెమరీ కార్డు నుంచి డిలీట్ చేసేసాను.  దేవుడా లేస్తూ లేస్తూ ఈ కంప్యూటర్ గోల ఏంటే.....?  

ఐశ్వర్య  :  అయినా నాకు కావాల్సింది నీ సారీ కాదు, 

ప్రేమ్మ   :  మరి ఇంకో ముద్దు కావాలా? 

ఐశ్వర్య :  దీనికేం తక్కువ లేదు....  సరేబాబు నాకు వంట గదిలో చాలా పని వుంది నేను వెళ్ళాలి వదులు అనని తన               చీర చెంగును ప్రేమ్ చేతిలో నుంచి లాక్కుని వెళ్ళిపోయింది.

ప్రేమ్   :  హేయ్ ఇదిగో ఆగు ఎక్కడికి వెళ్తున్నావ్ ? నేను లేకుండా నువ్వు వంట చేయటం ఎప్పుడు నేర్చుకున్నావ్                అసలు  ?

ఐశ్వర్య : నేను ఎక్కడ చేస్తున్నాను వంట దా... నువ్వే చేయి!

ప్రేమ :    అది సంగతి ఇంకా నువ్వు వంట చేస్తున్నవేమో అని బయపడ్డా !  
ఇంతలో కాలింగ్ బెల్ మోగింది, పాలవాడేమో అనని తలుపు తీసింది ఐశ్వర్య చుస్తే అత్తా మామ వచ్చారు అనుకోని పెళ్ళికి పేరంటాళ్ళు వచ్చినట్టు.  వాళ్ళిద్దరూ ప్రేమించి పెళ్ళి చేసుకోవడంతో ప్రేమ్ వైపు చుట్టాలు గానీ ఐశ్వర్య వైపు చుట్టాలు గాని రాకపోకలు లేవు. హటాత్తుగా ఏమైందో గాని వేకువజామునే ప్రత్యక్షమయ్యారు. ఏంటి అమ్మాయ్ మమ్మల్ని లోపలికి పిలవ్వా అని అన్న తోడికోడలు  మాటలు విని షాక్ లో నుంచి తేరుకుని అదేం లేదు అత్తయ్యగారు రండి లోపలికి అని పిలిచింది. 

 



   

Crazy Love Between Crazy People

( Kids - its a bit terrific story please careful before reading  )



 ఆ రాత్రి అమావాశ్య - కారుమబ్బులతో కమ్ముకునిపోయిన చీకటి రాత్రి అది /.....

    ఆ  అర్ధరాత్రిలో  పల్లెటూరిలో,  స్మశానంలో శవాల మద్యలో కూర్చుని ప్రేమించుకుంటున్న ఇద్దరు మనుషులు బహుశా ప్రేమికులు కావచ్చు - అని చెప్పుకుంటారే తప్ప దగ్గరకి వెళ్ళి చూసే దైర్యం ఎవరికీ లేదు. 

కొంత మంది అయితే ఆ ఊరిని రోజు రాత్రి వేళలో వచ్చి ఏ భూతల బారిన పడకుండా కాపాడటానికి వచ్చిన అదృశ్య శక్తులు అని చెప్తుంటారు ఆ మాటలకి విరుగుడుగా ఇంకొంత మంది - అయితే గుళ్ళో ఉండాలి కానీ స్మశానంలో ఎందుకు వుంటున్నారు అందులోనూ ఇద్దరు కావాలా?కాపాడటానికి?  అని విమర్శిస్తూ వుండే వారూ వున్నారు.  

నిజంగా వాళ్ళు దెయ్యాలా? లేక మనుషులా? -- అని తెలుసుకోవాలని ప్రయత్నించే టీవీ చానళ్ళు.  టీవీ చానళ్ళ వాళ్ళు ఎప్పుడు కనుక్కుంటారో? ఏమని తేల్చి చెప్తారో? అనని ఆసక్తిగా ఎదురు చూస్తున్న జనవాసులు.

       ఇంతకీ  మీరు కూడా వాళ్ళు దయ్యలేమో అనని బ్రమపడుతున్నారా...! నో నో వాళ్ళు ఎవరో కాదండి మన క్రేజీ కధలోని క్రేజీ  ప్రేమికులు అదేంటో కొంతమంది క్రేజీగా ఆలోచిస్తూ క్రేజీ పనులే చేస్తుంటారు అలంటి వాళ్ళల్లో ఈ జంట ఒకటి,,

 
          

Lonely Murmuring (ఒంటరి గుసగుసలు)

Me, My Dairy, My Page...! (నేను, నా డైరీ, నా పేజి....!)
------------------------------------------------------------------------------------------------------------------------------------

                     బాధలో వున్నప్పుడు అందరూ ఉన్నా నేను ఒంటరి జీవినే..! ఎప్పుడూ నా బాధని దీనిలోనే వ్యక్తపరుస్తుంటాను- నా డైరీలో !  అదేంటో, చాలా బాధగా ఏడుస్తున్నప్పుడే నాకు డైరీ రాయాలనిపిస్తుంది, అది కూడా అందంగా అలంకరించిన డైరీ లో కాదండోయ్ ఒక చిత్తు పేపర్ మీద, ఎవరికీ కనిపించనంత చిన్న అక్షరాలతో రాస్తుంటాను, రెండో రోజు చదివితే నా రాత నాకు కూడా అర్ధం కాకూడదు అని.....!

              ఈ రోజు ఎందుకో తెలీదు గాని చాలా చాలా బాధగా వుంది ఎందుకు ఈ సమాజంలో వున్న అందరూ నన్ను ఇంతలా బాధ పెడుతున్నారు లేదా నేనే అలా అలోచిస్తున్నాన? అర్ధం కావట్లేదు. ఏదైతేనే అందరూ ఎదుటి వారిని ఉపయోగించుకోవాలి అని అనుకునేవారే, నా నుంచి మాత్రం అందరికీ సహాయం చేయించుకుంటారు తీరా నాకు సహాయం చేయాల్సివస్తే మాత్రం ఒక్క చెయ్యి ముందుకు రాదు.  ఈ సమాజంలో అందరూ ఇంతేనా?

అమ్మ ఎప్పుడూ చెప్తూనే వుంటుంది "నీకు చేతనైనంతలో సహాయం చేయి వాళ్ళకి సమయానికి సహాయం అందిందా? లేదా ? అంతే...!  ప్రతిఫలంగా వాళ్ళేదో చేస్తారని చూడకు" అనని. కొసరుగా మా అమ్మ ఇంగ్లీష్ లో కూడా చెప్పింది "Never Expect Anything From Anybody...!"

             వీళ్ళ ద్వారానే నాకు సహాయం అందింది అనని నలుగురికి చెప్పాలని కోరుకోవడం లేదు, కనీసం సహాయం చేసిన వాళ్ళకి కృతజ్ఞత అయినా చెప్పకపోగ వాళ్ళకే చెడు చేస్తున్నారు. నేను కూడా ఆ కోవకి చెందిన బాదితురాలినే - అందుకే నా బాధను ఈ డైరీ వంకతో మీతో పంచుకుంటున్నాను, డబ్బులు గాని ఇంకేమైనా సహాయం కావాలి అంటే మాత్రం నా మీద ఎంతో ప్రేమ వున్నట్టు లేని ప్రేమని ఏ సూపర్ మార్కెట్ నుంచి కొని తెస్తారో గాని, ఆపడానికి కూడా వీలులేనంత ప్రేమని వలకబోస్తారు.

           వాళ్ళకి కావాల్సిన సహాయం అందాక హలో...! ఎవరిండి మీరు? మిమ్మల్ని ఎక్కడో చూసినట్టు వుందే, మీ మాట తెలిసిన వాళ్ళ మాట లాగా అనిపిస్తోంది మీకు నేను ముందే తెలుసా? మనకి ముందే పరిచయం వుందా అనని లేనిపోని చెత్త కవిత్వాలతో మాట దాటేసి తప్పించుకుని పారిపోతుంటారు. ఇదేనేమో కలికాలం అంటే ..... 

             కానీ కలికాలంలో కూడా బేధాలు వున్నట్టు వున్నాయి, అందరికీ ఇలాంటి కళలు రావు కొంతమంది మంచి వాళ్ళు వుంటారు వీళ్ళ చేతుల్లో మోసపోడానికి. వాళ్ళ లాగా కన్నింగ్ గా ఆలోచించలేరు. ఇంకొంత మంది తెలివిగా ప్రవర్తిస్తున్నాం అనుకకుంటారేగాని పాపం చివరికి వాళ్ళకే అర్తం కాకుండా మోసపోతారు. ఇలాంటి మనుషులతో మునిగిపోయిన ఈ సమాజంలో మంచి వారు కూడా 1% వున్నారు వాళ్ళ పరిస్థితి అచ్చం ఇలానే,  చెరువులో వున్న చేప జాలరుల వేట వల్ల వలలో చిక్కుకుని బయట పడి కొత్త ప్రపంచంలో పోటీ పడలేక గిల గిలా కొట్టుకుని చచ్చిపోయినట్టు ఈ 1% మంచి వాళ్ళు కూడా అలాంటి మోసాలను పసికట్టలేక, పసిగట్టినా తెలివిగా తప్పించుకోలేక గిల గిలా కొట్టుకుంటూ ఆ సుడిగుండం నుంచి తనని బయట పడేసే చేయి కోసం ఆశతో వెతుకుతూ వుంటారు.

                  ఒక విధంగా చుస్తే ఈ తప్పంతా తల్లిదండ్రులదేనేమో, వాళ్ళేం చేసారు అని నన్ను తిట్టడం మొదలు పెట్టద్దండోయ్. వాళ్ళు చూసిన పాత రోజుల్లో అందరూ మంచి వారే వుండివుండొచ్చు కానీ ఇప్పటి రోజులకి తగ్గట్టు నన్ను పెంచకపోవడం వాళ్ళ తప్పు కాదంటారా? ఎక్కడ వేసిన గొంగళి అక్కడే కాకుండా కాస్త బయటి ప్రపంచానికి నన్ను పరిచయం చేయకపోవడం, సమాజం లో ఇన్ని రకాల వింత మనుషులు వింతవింత ప్రవర్తనలు ఉంటాయని తెలియచెప్పకపోవడం, ఇన్ని మోసాలను నేను గ్రహించేలాగా చేయకపోవటం వాళ్ళ తప్పు కాదంటారా? కేవలం చదువుకూ ఇంటికీ పరిమితం చేయకపోతే ఇవన్నిటినీ కూడా నాకు తెలిసేలా చేస్తే హటాత్తుగా బయటికి వచ్చినప్పుడు కనీసం వేరే వాళ్ళ చేతుల్లో మోసపోకుండా జాగ్రత్త పడేలా వుపయోగపడేది కదా? కనీసం కాలేజీ పాటాలలో కూడా ఎక్కడా చదవలేదు ఇలాంటి వాళ్ళని ఎలా ఎదుర్కోవటం అని. 

                   బహుశా!  వాళ్ళకీ మొదటి సారి కావొచ్చు ఇలాంటి మనుషులను చూడటం, పైపెచ్చు వాళ్ళు అనుకునివుండొచ్చు మా కూతురు చాలా తెలివిగల అమ్మాయి, ఎలాంటి పరిస్తుతలనైనా చిటెకలో పరిష్కరించగలదు అని,  ఏ కారణం అయితేనేం ఇంత వయసు వచ్చాక ఏది మంచో? ఏది చెడో? ఎటు వైపు వెళ్తే మంచి జరుగుతుందో? కనిపెట్టే సామర్ద్యత నాకు కల్పించారు. 

               ఏది కారణం అయితేనేం ఇలాంటి వాళ్ళని ఎదుర్కుని సమాజంలో నిలబడగలగాలి. చెడు చేయాలి అననుకునేవాళ్ళకి సరియైన బుద్ది చెప్పలేకపోయినా నన్ను నేను కాపాడుకోవాలి వీలైతే ఇతరులకి తెలియజెప్పాలి, అంతేగాని పిరికి దానిలాగా ఇంట్లో కూర్చుని  కాలాన్ని వెల్లబుస్తూ, నా తెలివి తేటలను అటక మీద పడేసి నాన్న తెచ్చిన సంబంధం చేసుకుని అత్తారింట్లో ఆ పని ఈ పని అంటూ అంట్లు తోమడం బట్టలు వుతకడం నా వల్ల అసలే కాదు.  

                 చివరికి నాకు వచ్చింది చిన్న కష్టమైనా పెద్ద కష్టమైనా వేరే వాళ్ళతో నా బాధ చెప్పి మళ్ళి వాళ్ళ చేతుల్లో కూడా మోసపోవటం ఇష్టం లేక నాలో నేనే ఒంటరిగా కూర్చుని గొనుక్కుoటూ ఇలా పెన్నులో ఇంకు అయిపోయేదాకా పేజీలకి పేజీలు చాటభారతం రాసేస్తూ వుంటాను, బాధ తగ్గి ఆలోచనా శక్తి వచ్చేదాకా...! 

        కనుక  మీరు కూడా మీకు ఎప్పుడైనా బాధగ వున్నప్పుడు ఇలా ఒంటరిగా కూర్చుని మీలో మీరే మాట్లాడుకుంటూ సమస్యకి పరిష్కారం వెతకండి మొదట్లో మనసు బాధతో మెదడు నెగటివ్ దారి లో ఆలోచింపచేసినా తర్వాత చివరికి పాజిటివ్ గా ఆలోచిస్తారు - ఇది అసలు పెద్ద సమస్యే కాదే! నేను ఎందుకు ఇంతలా నా విలువైన సమయాన్ని వృధా చేస్తున్నా అనని realize అయ్యి డైరీ ని ఆనందంగా మూసేసి రాయటం ఆపేసి అందరితో ఆనందంగా గడిపేస్తారు ఎప్పటిలాగా... ! 

           మర్చిపోకండి సుమీ ఎవరూ లేనప్పుడే (లేదా) ఎవరూ లేని ఒంటరి ప్రదేశంలోనే మీలో మీరు మాట్లాడుకోండి లేదా, తనలో తానే మాట్లాడుకుంటున్నాడు వాడికేదో పిచ్చి పట్టినట్టు వుంది అననుకుంటారు చుసిన వాళ్ళు.  

        ఇదీ స్నేహితులారా నా డైరీ లోని ఒక బుజ్జి పేజి, మరి మీ పేజీ ని, కష్ట సుఖాలను, మెళకువలను కూడా మా అందరితో పంచుకుని మీ చుట్టూ వుండే అందరినీ మీ చిరకాల స్నేహితులుగా మలచుకోండి. 

                                                              అందరికీ నా ధన్యవాదాలు.
***************************************************************************************************

-signing of by Teju Innovations....                               Click Here To Read Our Next Story....  

                      

Robo Love

Sensational Love Story

ORPHAN LOVE

- An Orphan Love Between Beautiful Parents & A Small Kid

------------------------------------------------------------------------------------------------------------------------

               కొత్తగా పెళ్ళి చేసుకుని ఆనందంగా మహేష్ బాబు మరియు సమంతల సినిమా చూసుకుని బైక్ మీద వస్తున్నారు రవి మరియు రాగిణి. చల్లని గాలి, వెనక సీట్ లో తను ఎంతగానో ప్రేమించి పెళ్ళిచేసుకున్న భార్య తనను హత్తుకుని మరీ కూర్చుని కబుర్లు చెప్తూ వుంది. జోరుగా గాలి మొదలైంది రవి బండి నడపలేక ఒక పక్కన ఆపాడు గాలి తగ్గాక బయలుదేరదాము అనని. ఇంతలో చిన్న చిన్న చినుకలతో మొదలైంది వర్షం, అసలే కొత్తగా పెళ్ళి అయిన జంట దానికితోడు చీకటితో కూడుకున్న వర్షం, ఆ రాత్రి వేళలో... ఇంకేం కావాలి, ఒక మంచి వాన సాంగ్ వేసుకున్నారు. పూర్తిగా ఆనందంలో మునిగిపోయారు ఇద్దరూ.

               ఇంతలో హటాత్తుగా అరుపులతో ఒక అమ్మాయి పరిగెత్తడం, వెనక నలుగురు మనుషులు ఆమెను తరుముతూ వెళ్ళడం చూసి బయంతో రొమాంటిక్ మూడ్ కాస్త terrific మూడ్ గా మారిపోయి వేగంగా బండిని నడిపాడు. వెళ్ళడానికి వీలులేకుండా దారి మద్యలో అడ్డుగా ఒక చెట్టు రోడ్డు మీద వాలిపోయింది బహుశా జోరుగా వీచిన గాలి వల్ల అయివుండవచ్చు కానీ అది నేను వెళ్లే దారిలోనే పడాలా? వెళ్ళడానికి అడ్డుగా వుంది. బండిని పక్క నుంచి తోలడానికి ప్రయత్నించాడు కానీ అసలే చిన్న సందు అదీకాక వర్షంలో మునిగి తేలుతున్న గుంతలు, manholes లో నుంచి బయటకి వచ్చే నీరు, రోడ్డు అంత నీళ్ళతో నిండి వుండటం వల్ల ఎక్కడ ఏం వుందో అనని బయపడి కష్టమైనా చెట్టునే తొలగించటానికి ప్రయత్నించాడు తన భార్య రాగిణితో కలిసి.... భారీగా వర్షం రాకపోయినా మన వూర్లల్లో సరిగ్గా వేయని రోడ్లు, వాటి పక్కన పెద్ద పెద్ద బావిల్లా వుండే manholes అబ్బా,....  ఎలా ఉంటాయో మనకి తెలుసుకదా ...!
               
                  జాగ్రత్తగా చెట్టుని తోయి అనని చెప్తున్న రవి మాటలు పుర్తికానేలేదు, ఇంతలో ఆకస్మికంగా రాగిణి జారి పడసాగింది ఆమెను పడకుండా చేత్తో ఆపుతూ జాగ్రత్త అని హెచ్చరించి హితబోద చేసాడు. హెచ్చరించి నిమిషం కూడా కాలేదు తనకే బాలన్స్ తప్పి కింద పడ్డాడు రవి. రాగిణి పక పక నవ్వి పక్కన వాళ్ళకి చెప్పడం కాదు ముందు మనం జాగ్రత్తగా వుండాలి అని అంది చిరుమందహాసంతో.

                      మీ అమ్మాయిలు వున్నారే మా అబ్బాయిల మాటలను ఎప్పుడూ అర్ధం చేసుకోరు - కాస్త పాజిటివ్ గా ఆలోచించండే! - నువ్వు కింద పడకుండా ఆపింది నేను...! కానీ నేను పడిపోతే నవ్వుతావా? చేయి ఇవ్వు అని చిరుకోపంతో అడిగాడు.
                    సరేలే ఎప్పటికైనా నా సహాయం లేనిదే మీరు పైకి కూడా లేవలేరు అంది రాగిణి, అబ్బో చాల్లే ఇప్పటికే వినలేక పాప గుక్కపెట్టి ఏడుస్తోంది ఇంక ఆపకపోతే నేను కూడా ఏడవటం మొదలు పెట్టాల్సి వస్తుంది.                          
                   అవునండోయ్...! చూసావా? ఇప్పటికైనా నిజం ఒప్పుకున్నావ్, అది చాలు నాకు ఈ జన్మకి.

                 ఉహూ...! మీ బొంద నిజంగానే పాప ఏడుపు వినిపిస్తోందండి, ఇంత రాత్రి వేళలో, చీకటిలో, అదీ వర్షంలో, ఎక్కడి నుంచి అండి ఈ పాప ఏడుపు? నన్ను అడిగితే నాకేం తెలుసు దగ్గరలో ఇళ్ళు కూడా ఏమీ లేవే ఎవరి పాప అయివుంటుంది. ముందు చూద్దాం పదండి. సరే పద వెతుకుదాం ముందు పాపని.

                  ఒక పెద్ద రావి మరియు వేపాకు కలిసి పెరిగిన చెట్టు మొదలులో ఆ పాప ఏడుపు వినిపించింది. దగ్గరకి వెళ్లి చూసారు రవి మరియు రాగిణిలు. చెట్టు అడవికి దగ్గరలో వుండటం మరియు వర్షం కారణo గానేమో ఒక పాము ఆ పాపకి దగ్గరలో వుంది బయంతో ఎక్కడ ఆ పాము పసిబిడ్డను కాటేస్తుందో అనని బయపడి ఇద్దరూ జోరుగా పరిగెత్తి కాపాడసాగారు, కానీ పాము పాప రక్షణ కోసమే వున్నట్టు పడగ విప్పి ఆశీర్వదించి మరీ వెళ్ళిపోయింది.

                  ఎంతైనా తల్లి మనసు కదా! ఎంత పెద్ద ప్రమాదం తప్పిందే నా చిట్టి తల్లి అని అంటూ హటాత్తుగా ఆ పాప ని గుండకి హత్తుకుంది రాగిణి. రవి ముబావిగా మొహం పెట్టుకుని ఎప్పుడైనా నన్ను అలా ఒక్కసారైనా గుండెకి హత్తుకున్నావా? అనని అంటూ ఓరకంటి చూపుతో తనవైపు చూసాడు. దేవుడా అని ఊపిరి గట్టిగా పీల్చుకుని తిట్టబోతుంటే....వాళ్ళ గోలలో వాళ్ళు వుండి తనని పట్టించుకోవటం లేదు అనని  కాబోలు మద్యలో  నేనొకదాన్ని వున్నాను అని గుర్తుచేస్తూ పాప ఏడుపు ఆపి నవ్వుతూ వాళ్ళిద్దరినీ పలకరించింది. అప్పుడే పాప ని చూసారు వాళ్ళిద్దరూ ఆ అందమైన తేజస్సుతో కూడిన పాప మొహం చీకటిలో కూడా ఏ మాత్రం వెలుగు తగ్గకుండా మెరిసిపోతువుంది. నిజంగా లక్ష్మీ సరస్వతీ దేవతల అంశతో పుట్టిన శక్తి అవతారం లా కనిపించింది వాళ్ళిద్దరికీ ఆ పాప.

                 రాగిణి ఎంతో సంతోషంగ పాపను ఎత్తుకుని ఆడిస్తూ చిన్నూ, బంగారం వస్తావా మా ఇంటికి తీసుకెళ్తాను అని అంటూ ముద్దు చేసింది. హా అవునవును ముందు నువ్వు రామ్మా మా ఇంటికి వెనకాలే మీ అమ్మ వస్తుంది పోలీసులతో. హ్మ్... అంత వెటకారం అక్కర్లేదు. లేకపోతే ఈమె తీసుకెల్తుందంట పాప రావలంట - బానే వుంది సంబరం, మీ రాకపోకలతో నేను జైలు చుట్టూ తిరగాల్సి వస్తుందేమో.! అలా ఏం కాదు పాప వల్ల ఎవరికైనా మంచే గాని చెడు జరగదు. ఏ చిలక జ్యోతిష్యుడు చెప్పాడమ్మా ఈ మాటలు.

                పాప మొహం చూస్తుంటే మీకు వదిలేసి వెళ్ళాలని అనిపిస్తోందా? చెప్పండి. ప్లీజ్ అండి మనతో తీసుకుని వెళ్దాం. నాకు కూడా మనతో పాటే తీసుకెళ్ళాలని వుందే కానీ వాళ్ళ అమ్మ వచ్చి అడిగితే ఏం చెప్తావ్
                నా పాపని ఎందుకు తీసుకొచ్చారు
                సారీ
                ఎందుకు దొంగతనంగా తెచ్చారు అని పోలీసులతో వస్తేనో?

అప్పుడు ఏమని చెప్తావ్? చూడు ఆ పాప ఎవరో మనకి తెలీదు కేవలం ఈ కొంచం సమయానికే అంత తల్లి ప్రేమని వలకపోయకు అన్నాడు రవి కాస్త గంభీరంగా.

సరేలే అలా అయితే అంది రాగిణి ఏడుపు మొహం పెట్టి. పద వెళ్దాం ఇప్పటికే చాలా ఆలస్యం అయింది.  ఏంటి ఎక్కడికి వెళ్ళేది పాపని వాళ్ళ అమ్మకి జాగ్రత్తగా అప్పగించేదాకా ఈ పాపని వదిలి నేను రాను కావాలంటే మీరు వెళ్ళండి అంది. ఉహూ.... ఈ చీకటిలో ఎక్కడని వెతుకుతావే ఆమె కోసం నాకు అదంతా తెలీదు/

దేవుడా...! సరే నీ ఇష్టం వచ్చినట్టే కానీ. . అని చెప్పి అలాగే బైక్ మీద కూర్చుని తనకి తెలియకుండానే నిద్రపోయాడు రవి. రాగిణి మాత్రం ఆ పాపతో అలాగే తెల్లవారే వరకూ ఆడుతూ సమయాన్ని గడిపేసింది. చెట్టు మీద నుంచి ఆకు మొహం మీద పడి ఏదో దెయ్యం మీద పడినట్టు అరుస్తూ నిద్ర లేచాడు రవి. కనీసం తన అరుపులను కూడా వినిపించుకోకుండా పాపతో అడుకుంటోంది రాగిణి. ఇలాగే వదిలేస్తే ఎక్కడ తను పిచ్చిది అయిపోతుందో అనని పలకరించి పద ఇంక ఇంటికి వెళ్దాం ఎన్నాళ్లని ఇక్కడే వుంటావ్ అన్నాడు రవి. పదండి వెళ్దాం అని పాపను ఎత్తుకుని హుషారుగా బండి ఎక్కింది.

తర్వాత పాప గురించి పోలీస్ స్టేషన్ లో కంప్లైంట్, పేపర్ లో ప్రకటన కూడా ఇచ్చారు కానీ తనకు సంబందించిన వాళ్ళెవరు రాలేదు. ఆ పాప వచ్చిన వేళా విశేషమో ఏమో రవికి బిజినెస్ లో చాలా కలిసి వచ్చింది, రాగిణి గర్బవతి అవటం ఇంకా సొంతంగా పెద్ద luxury ఇల్లు కట్టుకోవటం తో పాటు అడిగిన వారికి లేదనకుండా ఆ పాప పేరు మీద అన్నదానం చేసే స్టేజి కి ఎదిగాడు రవి. కానీ పిచ్చిదానిలాగా కనీసం నాకు కూడా చెప్పకుండా ఆ పాపకోసం హాస్పిటల్ కు వెళ్లి పిల్లలు పుట్టకుండా ఆపరేషన్ చేయించుకుని రావటం నిజంగా నా బార్య మూర్ఖత్వమే. కానీ తన బార్య పాప మీద చూపించే పిచ్చి ప్రేమను చూసి  ఎక్కడ పాపకు సంబందించిన వాళ్ళు వచ్చి పాపని తీసుకెల్తారో - అలా జరిగితే రాగిణి ఎమైపోతుందా అనని బయంతో రవికి దిగులు పట్టుకుంది\.

మళ్లీ కొన్నాళ్ళకు ముగ్గురూ సినిమా చూసుకుంటూ అదే దారిలో వస్తుండగా పెద్ద వర్షం, పాప దొరికినప్పుడు పడ్డ వర్షంలాగా పెద్ద పెద్ద ఉరుములతో వర్షం మొదలైంది అది చూసి రాగిణి బయంతో తన బర్త చొక్కాను పట్టుకుని గుంజుతూ నాకు చాలా బయంగా వుందండి పాపని నా దగ్గర నుంచి ఎవరూ తీసుకుని వెళ్లారు కదా అనంది ఏడుస్తూ.. తను ఏడుస్తుంటే చూడలేక ఇలా జోక్ గా - ముందు నా చొక్కాని ఉతకడం ఆపు అన్నాడు రవి. అబ్బా నాకు చాలా బయంగా వుంది తొందరగా పదండి అంది రాగిణి. ఇక్కడే వుండు మళ్లీ ఇంకో పాప దొరుకుందేమో చూద్దామా? కారు కిందకి దిగి అన్నాడు చమత్కారంగా. మీ జోకులు ఆపి కార్ పోనివ్వండి అంది. కారు స్టార్ట్ చేసేలోపే  ఎవరో ఒక అమ్మాయి వచ్చి పాపని రాగిణి చేతుల్లోనుంచి లాక్కుని పాపకి ముద్దులు పెడుతూ ఎన్నాళ్ళు అయిందమ్మ నిన్ను చూడక ఎలావున్నవే నా చిట్టి తల్లి అని ఏడవసాగింది, అది చూసి కోపంగా నా బిడ్డని లాక్కుని ఏడవటానికి ఎవరు నువ్వు హా ?

ఇవ్వు ఇలా నా పాపను అంది పెద్దగా అరుస్తూ రాగిణి.... అవునమ్మా ఈ పాప మీ పాపే, అనాధ అస్సలే కాదు, తిసుకోమ్మా నీ బిడ్డని, తప్పైపోయింది క్షమించండమ్మా అనని చెప్పి రవి పిలుస్తున్నా పట్టించుకోకుండా ఆగకుండా వెళ్ళిపోయింది.

తర్వాత రోజు ఆ పాప తల్లి రైలు పట్టాల కింద పడి చనిపోయినట్లు పోలిసుల ద్వారా అందిన వార్తతో ఆ పాపను అందరి సమక్షంలో రవి రాగిణులు దత్తతు తీసుకుని తమ సొంత పాపకంటే కూడా ఎంతో  ప్రేమగా పెంచుకోసాగారు.

ఆ రోజు కనిపించి రాగిణి చెత్తుల్లొనుంచి పాపను తీసుకుని ఏడ్చిన ఆమె పాపతల్లా? నిజంగా ఆ పాప ఎవరో, తన తల్లి ఎవరో తెలియకపోయినా, పాపను వాళ్ళిద్దరూ కన్నబిడ్డలాగా పెంచుకోవటం చుస్తే పాపతల్లి ఏలోకంలో వున్నా, ఎక్కడ వున్నా సంతోషిస్తుంది.

so my dear friends, మీకు కూడా ఎవరైనా పసి పిల్లలు రోడ్డు పక్కనో, తల్లి దండ్రులు పెంచలేక వదిలేస్తేనో లేదా మరేదైనా కారణంగా ఏ పసికందైనా కనబడితే మనకెందుకులే శ్రమ అని అనుకోకుండా చేతనైనంత సహాయం అందించమని అర్దిస్తున్నాను 
లేదా 
కుదిరితే వాళ్ళని పిల్లల అనాధాశ్రమంలో చేర్చి ఒక భారత పౌరుడిగా మీ వంతు సహాయం చేర్చల్సిందిగా కోరుకుంటున్నాను.

ఇదీ ఫ్రెండ్స్ ఈ వారం కధ, మళ్లీ ఇంకో కొత్త కధతో మళ్ళి కలుద్దాం. మీ విలువైన కామెంట్స్ ని పోస్ట్ చేయటం మాత్రం మర్చిపోవద్దే... 


Signing of by Teju Innovations                                                Read Our Next Story


********************************************************************************
                   

Why I Love My Office A Lot ?

Love @ 60

Love @ 60

-------------------------------------------------------------------------------------------------------------------------

         అదొక అందమైన వేకువజాము, పచ్చ పచ్చని చెట్లతో మంచు చినుకుల మద్యలో ఇమిడిపోయిన ఆకులు, అందమైన పూలతో నిండిన ఉద్యానవనం అది. వచ్చీ రాని సూర్య కిరణాలు ఆకుల మీద పడి మెరుస్తూ వుండగా మరో పక్క మంచు చినుకులు ఆకుల మీద నుంచి నేలమీదకి జారుతుండగా, ఆ చినుకులను కింద పడనివ్వకుండా చేతితో పట్టుకుంటూ ఆడుకుంటున్న ఒక అందమైన బామ్మ.

              వయసుకి బామ్మ అని  పిలవాలేమో గాని ఆమెని చూస్తే మాత్రం ఎవరూ బామ్మా అని పిలవడానికే మనసు రాదు అంత అందంగా వుంటుంది ఆమె చూడటానికి. ఆ చెట్లే తన పిల్లలు అన్నట్లు ఎంతో ప్రేమగా వాటికి నీళ్ళు పోసి పెంచుతూ, ఆ ఉద్యానవనం ని అందంగా తీర్చిదిద్దుతున్న ఆమెను చూస్తుంటే మాతృత్వ భావం వెల్లివిరుస్తుంది ఎవరికినా. చెట్లకి వున్న పూలు కోస్తే ఎక్కడ ఆ చెట్టుకి నొప్పి కలుగుతుందో అనని సుతిమెత్తంగా ఎండిపోయిన పూలను తుంచే విదానం - ఎదుటి వారికి కష్టాన్ని కలిగించని ఆమె మంచి మనసుకి నిదర్సనం. ఎన్నో జన్మల నుంచి పరిచయం వున్నట్టు చెట్లతో ఆమె చేసే సంభాషణ, స్నేహం ఎంతగానో ఆకర్షిస్తుంది. అంతే కాకుండా రోజూ మార్నింగ్ వాక్ అంటూ వచ్చే అందరికీ ఆమె స్వయంగా మంచినీరు అందచేస్తుంది దానికి ప్రతిఫలంగా తర్వతరోజు వాళ్ళు వచ్చేటప్పుడు ఒక కొత్త మొక్కని తీసుకు వచ్చి ఉద్యానవనంలో పెంచాలి అనని కండిషన్ కూడా.

            ఎదురుగా రెండు అంతస్తుల డాబా, ఆ డాబా బాల్కనీలో కాలు మీద కాలు వేసుకుని పేపర్ చేతిలో పట్టుకుని దర్జాగా చేతిలో కాఫీ కప్పుతో ఆ బామ్మనే రోజూ గమనిస్తున్న ఒక తాత. ప్రతిరోజూ తెల్లవారకుండానే మార్నింగ్ వాక్ అంటూ ఆ ఉద్యానవనం కి వచ్చి ఆమె కోసం ఎదురుచూస్తూ, ఆమె చేసే పనులలో సహాయం చేస్తూ, ఆ వుద్యనవనంలోనే తన కాలాన్ని గడుపుతున్న ఆ తాత కి ఒకరోజు అనుకోకుండా ఆమె జీవిత చరిత్ర గురించి తెలుసుకోవాలనిపించింది. అసలు ఎందుకు ఆమె అనాధ లాగా ఇక్కడ ఎందుకు వుంటుంది, ఆమెకి ఎవరూ లేరా లేదా వుండి వదిలేశారా తెలుసుకోవాలనే కుతూహలం పెరిగింది. ఎంతసేపు ఇలాగే పనిచేస్తావు గాని ఇలా విశ్రాంతిగా కూర్చుని కాసేపు చల్లని గాలి తీసుకో అనని చెప్తున్న తాత మాటలను ఒక చెవితో వింటూ తన పని తాను హుషారుగా చేసుకుంటూ పోతోంది. నాతో ఏమైనా మాట్లాడాలా ఏంటి? అని బామ్మ అడిగీ అడిగినవెంటనే హా అవును అన్న మాటలు విని ఏం మాట్లాడలేం ఈరోజు అంట హుషారుగా వున్నారు అని అడిగింది బామ్మ, అవును నీ గురించి తెలుసుకోవాలని వుంది అదీ నీకు ఇష్టం అయితేనే సుమీ...!

                 తాత  అడిగీ అడిగినవెంటనే టక్కున చెప్పటం మొదలు పెట్టింది కన్నీరుతో. తన మోహంలో ఎప్పుడూ, తేజస్సుతో కూడిన నవ్వు తప్పితే కన్నీరు చూడని తాత బయంతో ఏమైంది ? నేనేమైన తప్పుగా అడిగానా ? అని తాత అడిగిన ప్రశ్నకు బదులిస్తూ ఇప్పటి వరకూ తన బాధ ని ఎవరితో చెప్పుకుని ఏడవాలో తెలియక ఈ చెట్టు పుట్టలతోనే కాలం గడిపేసాను ఇప్పుడు హటాత్తుగా మీరు అడిగేసరికి కళ్ళ లో నీళ్ళు తిరిగాయి అని తన విషాదమైన కధను చెప్పడం మొదలు పెట్టింది.
           
                  అవును నేను ఒక అనాధని, మా అమ్మ నా చిన్నప్పుడే ఈ పక్కనే వున్న అనాధ శరణాలయం లో వదిలేసి వెళ్లిందట. నాకు వూహ తెలిసినప్పటినుంచీ ఈ శరణాలమే నాకు అమ్మా, నాన్న, బడి అన్నీ. బాగా కష్టపడి గవర్నమెంట్ జాబు తెచ్చుకున్నా .... 

                        మరి పెళ్లి, పిల్లలునో ..ఽని అడిగాడు తాత కుతూహలంగా

హ్మ్ అదే చెప్తున్నా...మాది లవ్ మ్యారేజ్, ఎంతో గొప్పగా అందంగా జరిగింది మా పెళ్ళి.  నా చిన్నప్పుడు ఎవరైతే నన్ను నష్టజాతకురాలు అన్నారో వాళ్ళే ఈ అమ్మాయి అదృష్టవంతురాలు అన్నారు. మరికొందరైతే వాళ్ళ కూతురు కంటే మంచి గొప్పింటి అమెరికా సంబంధం వచ్చిందని శాపనార్ధాలు పెట్టారు వాటి ఫలితంగానేమో పెళ్ళి అయ్యి అమెరికా వెళ్ళిన కొద్దిరోజులకే మావారు చనిపోయారు.

మరి పిల్లలూ ..... అని అడిగాడు తాత ఆత్రుతగా,
                    హూం.... పెళ్ళి అయిన మొదటి సంవస్తరానికే బాబు పుట్టాడు కానీ నా దురదృష్టమో వాడి అదృష్టమో వారితోనే బాబు కూడా అదే ఆక్సిడెంట్ లో చనిపోయాడు, ఆ దేవుడు నన్ను మాత్రం ఎందుకు వుంచాడో అర్దం కాలేదు చావటానికి ప్రయత్నించాను కానీ ఆ అదృష్టానికి కూడా నేను నోచుకోలేదు.
             
             మా ఆయన బ్రతికున్న రోజుల్లో చాల సార్లు నాతో తనకి ఒక కోరిక వుందని చెప్తుండేవారు - ఇక్కడ బాగా సంపాదించి మన దేశానికి వెళ్ళి ఒక మంచి పెద్ద హాస్పిటల్ కట్టి ఉచితంగా పేదవారికందరికీ ట్రీట్మెంట్ ఇవ్వాలని అందుకే చాలా కష్టపడి ఆయన పేరు మీద హాస్పిటల్ కట్టించి ఉచితంగా వైద్యం చేసేలా అన్ని ఏర్పాట్లు చేశాను. ఆయన ఆశను నా రూపం లో జరిపిన్చుకోడానికేనేమో ఆ దేవుడు నన్ను ఇంకా ఉంచింది అంటూ వెక్కి వెక్కి ఏడుస్తూ తనలో దాగివున్న బాధను వ్యక్తం చేస్తోంది.
    
       " ఒంటరిగా తనలో తనే మాట్లాడుకునేవారి వెనకే ఎన్నో బాధలు దాగి వుంటాయి అనని - తన బాధని పంచుకొనేవారు లేకే చెట్లతో పుట్టలతో మాట్లాడుకుంటూ కాలం గడిపేస్తోందనిమాట ఇన్నాళ్ళు."
              ఎప్పుడూ నవ్వుతూ చలాకీగా అన్నీ పనులూ చక చక చేసే ఈమే మనసులో ఇంత విషాదం దాగివుందా? అందుకే అంటారు పెద్దలు
              అని మనసులో అనుకుని పైకి బామ్మతో ఇలా చెప్పసాగాడు   
 
                తప్పుదారి పట్టించేది ఆవేశం

                మంచిదారికి మల్లించేది ఆలోచన

               ఆవేశంలో అనాలోచితంగా ఏ నిర్ణయమూ తీసుకోకూడదు

నువ్వు ఆవేశంలో చనిపోవాలి అని ప్రయత్నించినా తర్వాత ఆలోచించి నలుగురికి సహాయపడేలా మంచి పనే చేసావు. 

బామ్మ :  అవును ఆ ఆవేశంలో, అనాలోచనగా నేను ఏం చేస్తున్నానో నాకే అర్ధం కాని పరిస్తితి, చావాలని చేసిన ప్రయత్నాలను తలుచుకుంటే ఒక్కొక్కసారి నేను ఎంత అనాలోచనగా ప్రవర్తించానో తెలుస్తుంది.

హ్మ్.... నా కథ చెప్పి మిమ్మల్ని కూడా విసిగించినట్టు వున్నాను. రండి అలా వెళ్ళి ఆ రోజా పూలను నాటుదాము.  సరే పద కాసేపు మనుసు వేరే వైపుకు మల్లించినట్టు వుంటుంది. సరేగాని ఇంతకీ మీరేమిటి ఈరోజు ఇంకా ఇక్కడే  వున్నారు ఇంటికి వెళ్ళి అందరితో కలిసి టిఫిన్ చేయటానికి వెళ్ళరా?

                   ఏంటి ...! ఏమన్నావ్ ? అందరితో కలిసా? నాకు అంత అదృష్టం ఎక్కడ వుంది. అదేంటి నేను విన్నంత వరకు మీకు 6 పిల్లలు అని విన్నానే.

   తాత :                 అవును పేరుకే పిల్లలు,
   బామ్మ:               అదేంటి అలా అంటారు? మీకు పిల్లలంటే ఇష్టం లేదా?
   తాత :         నాకా ఇష్టం లేనిది? నాకు పిల్లలంటే చాలా ఇష్టమని తన ప్రాణాలని కూడా లెక్కచేయకుండా                             ఈ రోజుల్లో కూడా మా ఆవిడ 9 మందికి జన్మనిచ్చింది. పిల్లలికి జన్మనైతే ఇవ్వగలం గానీ 
                            మంచి బుద్దులు మాత్రం ఇవ్వలేకపోయాం.
   బామ్మ:              ఏమైంది ?
   తాత :                ఏముంది.. విదేశాల పిచ్చి, కన్న తండ్రి ఎలా ఉన్నాడో కూడా పట్టించుకోకుండా పెళ్ళాం, పిల్లలతో  సహా విదేశాలలోనే సెటిల్ అయ్యాడు. మనదగ్గర లేని డబ్బా? ఎందుకురా అంటే? లేదు నాన్నా అక్కడ వుంటే గొప్పతనం, నువ్వు అందరికీ గర్వంగా చెప్పుకోవచ్చు అని చెప్పి, నన్ను అనాధ శరనాలంలో చేర్చి చాలా జాగ్రత్తగా చూసుకోమని చెప్పి బోలెడన్ని డబ్బులు కూడా కట్టి మరీ విదేశాలకి వెళ్ళాడు. ఒక్క ఫోనూ వుండదు ఏమన్నా అంటే వర్క్ బిజీ.... మేం బిజీ కాదా ఆరోజుల్లో అలా అని వదిలేశామా వాళ్ళందరిని పెంచకుండా? పెద్దవాళ్ళని చేయకుండా?

" అదే అంటారు...! పిల్లల్నైతే కనగలం గాని వాళ్ళ బుద్దులను, రాతలను కనలేం అనని "

రేపు నేను చనిపోయినా కూడా నా తలకొరివి పెట్టడానికి కూడా నా కొడుకుల్లో ఒక్కరూ రారు...!

బామ్మ:         సరే సరే కూల్...!
                   ఆపండి ..! అలా బాధపడకండి? ఎదవద్దు.... అబ్బాయిలు ఏడిస్తే బాగోదంట ?
                   సారీ "ముసలి తాత"  ఏడుస్తుంటే చూడటానికి బాగోదు.
తాత:            ఏంటి ? నేను ముసలి తాతనా ? I am still young you know? (నేను ఇంకా కుర్రోడినే తెల్సా నీకు?)
                   అని చెప్పాడు ముక్త కంటంతో అరుస్తూ....
బామ్మ:        అబ్బో ..! అయ్యగారికి కోపం కూడా వస్తుందే ??????????????????
                   అవునవును... !  Ya.... I  know, You are still in sixteen years only నో అన్నది నవ్వుతూ .....
                   సరే ఇంక చాలా సమయమైంది, మీరు వెళ్ళి ఏదైనా తిని రండి లేకపోతే ఇక్కడే కళ్ళుతిరిగి
                   పడిపోతారేమో అననిపిస్తోంది మీ మొహం చూస్తుంటే, అబ్బో అంత బొంగ మూతి వద్దులే నేను
                   సరదాగా అన్నాను.
తాత:           సరే పద మా ఇంటికి, నేనే నా చేతులతో టిఫిన్ చేసి పెడతాను నీకు. సందేహించకు మా ఆవిడ కాలం
                  చెల్లించినప్పటి నుంచీ నేనే వంట చేసేవాడిని కనుక ఏం పర్వాలేదు. నువ్వు దైర్యంగానే టేస్ట్ చేయొచ్చు. 


అలా ఆ రోజు ఎంతో సంతోషంగా రోజు ముగిసింది. ఆ తర్వాత ఏదో హాస్పిటల్ యొక్క - ముఖ్యమైన పని మీద బామ్మ వేరే ఊరికి వెళ్ళాల్సివచ్చింది. పేరుకే వాళ్ళిద్దరూ వేరు వేరు ప్రదేశాలలో ఉన్నారే గాని ఒకరి గురించి ఒకరు అలోచించుకుoటూనే వున్నారు..

ఆ తర్వాత కూడా వాళ్ళు ఎదురుపడినా మాట్లాడుకోలేదు కొన్ని రోజుల వరకు, సమాజం గురించి పట్టించుకోకుండా హటాత్తుగా ఒక రోజు మనం పెళ్ళిచేసుకుందాం అనని ఇద్దరూ నిర్ణయం తీసుకుని పెళ్ళిచేసుకుని ఆనందంగా వాళ్ళ చివరి రోజులు గడిపారు.

తర్వాత హాయిగా తాత ఆస్తి, బామ్మ తెలివితేటలతో హాస్పిటల్ తో పాటు ఒక మంచి వృద్ధాశ్రమం కూడా పెట్టి వాళ్ళు హాయిగా కాలాన్ని గడపటమే కాకుండా నలుగురికి కూడా ఆనందాన్ని పంచారు.

                    " మనం మంచి వారమై, మంచి దృక్పదంతో మన చుట్టూ ఉన్నవారికి మంచి చేయాలనుకోవాలేగాని దేవుడు అడుగడుగునా మనకి సహకరిస్తూనే వుంటాడు అంతేకాకుండా మనల్ని చివరి వరకూ కాపాడుతూనే వుంటాడు అనని. "

so my dear friends మీరు కూడా మీకు తోచినంతలో అందరికీ సహాయం చేయటానికి ప్రయత్నించండి మీ ప్రయత్నం వల్ల ఎంత మందికి మంచి జరుగుతుందిలే (నేనేమ్ చేయగలనులే)  అని ఆలోచించకండి - మీ ఒక్క చేయి వంద మంది చేతులను కలుపుతుంది అందరికీ సహాయం అందుతుంది. 

 Moral ( నీతి ): 

"(True Love) స్వచ్ఛమైన ప్రేమకి వయస్సు, అందం, డబ్బు ఎప్పటికీ అడ్డు కాదు." 
 
ఎవరూ లేని బామ్మకి , అందరూ వుండి కూడా అనాధలాగా కాలాన్ని వెళ్లబుచ్చుతున్న తాతకీ మంచి తోడూ, జోడూ కుదిర్చాడు ఆ దేవుడు.

ఆ చివరి రోజులలో వాళ్ళకి ఇంకేం కావాలి? తమ కష్టసుఖాలని పంచుకునే ఒక తోడు అది వారిద్దరికీ దొరికినట్టే ఇంకేం కధ సుఖాతం మనం ఇంకో కథ చదువుదాం....

signing off by Teju Innovations....

Love Between T&T

 

 Love Between T&T 

- A Sweet & True Love Story Incidences Between Telugu Girl & Tamil Boy

-----------------------------------------------------------------------------------------------------------

              మాటే రాని చిన్నది అనుకోకుండా ఒకరోజు ఫోన్ లో మాట్లాడాల్సి వచ్చింది. ఆ కాల్ సంభాషణ తర్వాత తన జీవితం ఎలా ప్రేమ లో పడింది, ఎలాంటి సన్నివేశాలతో మలుపు తిరిగింది అనేదే  ఈ Love Between T&T యొక్క సారాంశం.

               ఆ మొదటి ఫోన్ కాల్ పరిచయం - మరచిపోలేని ఒక మధురానుభూతి. అసలే అమ్మాయి అంతకు మించి అందమైన గొంతు, మొదటి సారి phone లో మాట్లాడినప్పుడే తన ప్రేమ ని  తెలియపరిచాడు ఆ తమిళ హీరో - పెళ్ళి ఎప్పుడు చేసుకుందాము అనని తన నిజమైన ప్రేమ ని వ్యక్తపరిచాడు. మన తెలుగు హీరోయిన్ కి కూడా మనసులో అతను అంటే ఇష్టమే.. కానీ తను పెరిగిన వాతావరణం,  తల్లి దండ్రులు అంగీకరించరు అని అనే ఉద్దేశంతో తను ఏమీ మాట్లాడలేకపోయింది కానీ మాటలు అయితే అలాగే కొనసాగాయి కొన్ని రోజుల వరకు....

మన తెలుగు హీరోయిన్ B.Tech చదివే రోజులవి, తన ప్రాజెక్ట్ కోసం మనోడు చాలానే సహాయం చేసాడు. మన తమిళ్ హీరో IIT లో చదివి ISRO లో ఉద్యోగం చేస్తున్నాడు. మన హీరోయిన్ కి కూడా చదువు అన్నా, కొత్త కొత్త విషయాలు తెలుసుకోవడం అన్నా చాలా మక్కువ ఎక్కువే అందుకే తనతో టెక్నాలజీ గురించే ఎక్కువగా మాట్లాడుతూ వుండేది. ఇలా కొన్ని రోజులు సాగిన తరువాత మళ్లీ మన హీరో direct గా పెళ్లి కే వచ్చేశాడు, పెళ్లి గురించే మాట్లాడటం, నాకు నువ్వంటే చాల ఇష్టం పెళ్లి చేసుకోవా అనని అడగటం మొదలు పెట్టాడు. అతను ఎన్నిసార్లు అడిగినా నాకు ఇష్టం లేదు అని చెప్పడం తో నిజం గ ఇష్టం లేదేమో అనని మాట్లాడటమే మానేసాడు కొన్నిరోజులు, అది కూడా నేను నీతో మాట్లాడను అని చెప్పి మరీ మానేసాడు మన hero.

అలా మాట వరసకి అంటున్నాడు లే తర్వాత తనే ఫోన్ చేస్తాడు అననుకుంది మన హీరోయిన్
          కానీ అతను మళ్లీ ఫోన్ చేయలేదు
                        అలా అని ఆమె కాల్ చేయలేదు ఎందుకంటే అతను ఎంత బ్రతిమిలాడినా నువ్వు అంటే నాకు ఇష్టం లేదు అనని మొహం మీదే చెప్పి అతని మనుసును బాధ పెట్టింది కనుక
                    అలా కొన్ని రోజుల వరకు ఎదురు చూసింది, తర్వాత తన B.Tech results వచ్చే సమయం అది అందుకే ఇంక అతని కాల్ గురించి మర్చిపోయింది ఆ టెన్షన్ లో పడి ,. .

               ఇంతలో అ results రానే వచ్చాయి.  ఎప్పటి లాగానే తనే కాలేజీ టాప్ (ఫస్ట్) వచ్చింది ఈ సంతోషాన్ని అతనితో కూడా పంచుకోవాలని అతనికి కాల్ చేసింది కానీ అతని కాల్ కలవలేదు.  ఇంక మన హీరోయిన్ తన పనిలో పూర్తిగా మునిగిపోయింది. చదువు అయిపోయింది, కొత్తగా పెట్టిన కాలేజీ కావటం తో కాలేజీ లో placement అవకాశాలు ఆశించినంతగా రాలేదు, ఇంక వేరే దారి లేక బయటకి వచ్చి జాబు వెతకాల్సిన పరిస్తితి ఏర్పడింది.

                   అనుకోకుండా ఒక కాల్ - అదికూడా రాత్రి 9గంటలకి - hello.. hello... ఈ గొంతు ఎక్కడో విన్నట్టు వుందే అని ఆలోచించేలోపే మన తమిళ్ హీరో, తన పేరు చెప్పడం మొదలు పెట్టాడు. మన హీరోయిన్ కి అసలే కోపం ఎక్కువ అది కాక చాలా రోజుల ఎదురు చూపు తర్వాత కాల్ రావడంతో తను ఏం మాట్లాడుతోందో తనకే  తెలియని పరిస్తితి. ఇంక మన తమిళ్ హీరో కి మాట్లాడే ఛాన్స్ ఇవ్వకుండా తను తిడుతూనే వుంది, మన హీరో కి తన కోపం ఎలా తగ్గించాలో బాగా తెలుసు.. ఇలా చెప్పసాగాడు

ఈ  రోజు నా పుట్టిన రోజు....మన హీరోయిన్ ఏమాత్రం వినిపించుకోవటమే లేదు మళ్ళి  చెప్పటం మొదలు పెట్టాడు
                     
ఈ  రోజు నా పుట్టిన రోజు .... నీ wishes కోసం కాల్ చేశాను. ప్లీజ్ ఈరోజు కూడా నన్ను తిట్టొద్దు అని అన్న సుతిమెత్తని మాటలు విన్నాక ఆమెకి మాటలు రాలేదు, కొంత మౌనo  తర్వాత sorry ....అని చెప్ప సాగింది. నాకు కావాల్సింది నీ సారీ కాదు అని అన్నాడు ...సారీ అని మల్లి చెప్పా సాగింది హీరోయిన్ ......ఇదిగో మళ్లీ సారీ చెప్తావ్ ....ఓకే ఓకే హ్యాపీ బర్త్డే అని చెప్పింది నవ్వుతూ ..........
                                          అవును గాని ఏంటి నిజంగా నా  విషెస్ కోసమే కాల్ చేసావా ? అని అడిగింది హీరోయిన్ ..ya ...! నిజంగానే !.. అబద్దం చెప్పాల్సిన అవసరం నాకు లేదు అన్నాడు. అయితే ఎవరైనా ప్రేమికులారి దగ్గర నుంచి 1st  విషెస్ కోరుకుంటారు గాని లాస్ట్ లో కాల్ చేసి విష్ చేయమని అడగరు అంది మన హీరోయిన్. నేను పుట్టింది రాత్రి 9 గంటలకి అందుకే కరెక్ట్ గ 9కే కాల్ చేశాను ని విషెస్ కోసం .. అది కూడా 1st విషెస్ ఎందుకంటే ఇప్పటి వరకు నా ఫోన్ స్విచ్ ఆఫ్ చేసి ఉంచా ఎందుకో తెల్సా ఫస్ట్ నీ గొంతుతో నా పుట్టిన రోజు విషెస్ చెప్పించుకోవాలని.. ఆనందంతో మళ్ళి హ్యాపీ బర్త్ డే అని చెప్పింది హీరోయిన్.
                    
                                          హమ్మయ్య అని ఊపిరి పీల్చుకున్నాడు మన హీరో. ఇంక మళ్లి మాటలు కొనసాగాయి. ఏం చేస్తున్నావ్ ? ఎలా వున్నావు అని  మాములుగా మాట్లాడసాగారు ఇద్దరూ, తర్వాత కొన్ని రోజులకి హీరోయిన్ నేను జాబు కోసం వెతుకుతున్నాను,  నాకు జాబు search లో సహాయం చేయి అని అడిగింది. హీరో ఒక జాబు చూసాడు అది తక్కువ salary కావటంతో తను అంగీకరించనట్టుగా మాట్లాడింది. దానితో మన హీరో కి బాగా కోపం వచ్చి నీకు కాలేజీ topper అనని ఎక్కువగా మురిసి పోతున్నట్టువున్నావు. ఫస్ట్ అది తగ్గించుకో... అన్ని మార్కులు  వస్తే మాత్రం ఎం ప్రయోజనం నువ్వు జాబు తెచ్చుకోగలిగావా లేదు కదా? సరే నేను ఇంక నీ జాబు విషయం లో  సహాయం చేయను, మాట్లాడను  1 year వరకు అని  కోపంగా మాట్లాడాడు హీరో. హీరోయిన్ కి అసలే ముక్కు మీద కోపం.. 
            ఏంటి !  1 year వరకూ సహాయం చేయవా ? మాట్లాడవా? నాకు నీ మాటలు వద్దూ, సహాయం అసలే వద్దు. నేను జాబు తెచ్చుకోగలను అది కూడా నీ సహాయం లేకుండా, నీకు చాలా knowledge ఉందని అడిగానే కానీ నాకేం నీ సహాయం అవసరం లేదు అని గొప్పగా చెప్పినా జాబు తెచ్చుకోవటానికి చాలా కష్టాలే పడింది. అప్పటి వరకూ కాలేజీ, ఇల్లు, తల్లిదండ్రులు తప్ప వేరే ఏ ప్రపంచమూ తెలియని అమాయకురాలు హటాత్తుగా నాన్నతో గొడవపడి మరీ బయటకు వచ్చి ఎవరి సహాయం లేకుండా మంచి జాబు తెచ్చుకుని జీవితం లో సెటిల్ అయింది అంటే నమ్మశక్యంగా లేకపోయినా నమ్మాల్సిన విషయం - మెచ్చుకోవాల్సిన విషయం ..

అప్పుడే ఆమెకి తెలిసింది,

                       " జీవితం లో ఏదైన సాదించాలి అని అంటే మన అంతట మనం ప్రయత్నిస్తేనే గాని సక్సెస్ ని చూడలేము అంతేకాని ఎవరో వస్తారు ఏదో చేస్తారు అని మాత్రం ఎప్పుడు ఎదురుచూడకూడదు అనని "

                              " తను చదివిన చదువు జాబు తెచుకోటానికి ఉపయోగ పడిందో లేదో తెలీదు కానీ నాన్న చెప్పిన మాటలు, వాళ్ళ నాన్న తన జీవితం లో ఎదుర్కొన్న సంఘటనల సంభాషణలు తనకి చాలానే ఉపయోగ పడ్డాయి బహుశా అదే కారణమేమో తను అందరినీ చూడగానే 3 వంతుల వరకు ఎదుటి మనిషి వ్యక్తిత్వాన్ని పసిగాట్టేయటానికి గల కారణం.                        
                         ఏది ఏమైనా జాబు తెచ్చుకోడానికి అతని మాటలే కారణం కనుక నాకు మంచి జాబు వచ్చి హ్యాపీ గ సెటిల్ అయ్యాను అనని కాల్ చేసి చెప్పాలి అననుకుంది కానీ అదృష్టమో దురదృష్టమో కాల్ ఎన్ని సార్లు చేసినా కలవటమే లేదు, దానితో ఇంక చిరాకు వచ్చి తనకే గుర్తు లేకపోతే నాకెందుకు లే అనని ఏవేవో ఆలోచనలతో మునిగిపోయింది, మళ్ళి పొద్దున్నే లేవాలి జాబు .. పని .. ఇంక ఆలోచించడమే మానేసింది. కాదు పూర్తిగా మర్చిపోయింది.
                          సుమారుగా 2 years తర్వాత మళ్ళి తన దగ్గర నుంచి కాల్ ...!
                          హీరో :          హాయ్..
                          హీరోయిన్ :  ఎవరు ?
                          హీరో :          హాయ్, నేను నీకు గుర్తున్నానా ?
                      హీరోయిన్ : నువ్వేమన్నా హీరో నా? పేరు చెప్పకుండా గుర్తుపట్టటానికి ? అని వెటకారంగా అంది కానీ తన వాయిస్ వినగానే గుర్తుపట్టింది.
                                       హీరో - తన పేరు చెప్పనివ్వకుండానే హీరోయిన్ ఇలా మాట్లాడసాగింది ఏంటో కొంత మంది మనుషులు ఎందుకు పుష్కరానికోసారి కాల్ చేస్తారో? అసలు వాళ్ళు ఎందుకు, ఎప్పుడు మాట్లాడతారో అస్సలు చెప్పలేము అనని కోపంగా మాట్లాడసాగింది.  సారీ అని మాట్లాడసాగాడు మన హీరో.. ఎవరో తెలియని వాళ్ళు సారీ లు చెప్తుంటే విని వాళ్ళకి సమాదానం ఇచ్చేంత సమయం నాకు లేదు అండి ..సారీ అండి నాకు మీరు ఎవరో తెలీదు, అని ఫోన్ పెట్టేయసాగింది, ప్లీజ్ నన్ను అర్తం చేసుకో నేను ఇండియా లోనే లేను ఈ 2 ఇయర్స్ అందుకే నేను కాల్ చేయటానికి కుదరలేదు, ఒక ప్రాజెక్ట్ పని మీద హటాత్తుగా వెళ్ళాల్సి వచ్చింది అందుకే నీకు చెప్పనుకూడా లేదు, అది కాక ఆ ప్రాజెక్ట్ satellite కి సంబంధించింది అందుకే ఫోన్స్ మాట్లాడటానికే ఛాన్స్ లేదు.. ఎందుకో అతను చెప్పేది నిజమే అనిపించింది,కానీ చాల కోపం తో ఇలా అంది,

                    నేను నీతో మాట్లాడాలని ఎన్ని సార్లు కాల్ చేసానో తెలుసా ..suppose నాకేదైనా అయి అవసరం వుండి కాల్ చేశా అనుకొ..సరే నా గురించి వదిలేయ్ రేపు నీకు పెళ్లి అయ్యి, నీ వైఫ్ తో కూడా ఇలాగే ప్రవర్తిస్తావా? తనతో గొడవ పడి సంవస్తరాలు మాట్లాడకుండా వుంటావా? అని తన తప్పు తనకి తెలిసి వచ్చేల చెప్పింది, అతను కూడా నిజమే సారీ ఇంకెప్పుడు ఇలా చేయను తప్పు అర్తం అయింది కానీ నేను కావాలని కాల్ చేయకుండా మానలేదు నిజంగానే కాల్ చెయ్యలేని పరిస్తితి ....

                      సరే ఇంకా? ఎలా వున్నావ్, ఎప్పుడు వచ్చావు స్టేట్స్ నుంచి అని చిరుకోపంతో అడిగింది. నేను బాగున్నాను నువ్వు ఎలా వున్నావు....ఽని మాటలు సాగాయి.

                           ఈసారి మన తమిళ్ హీరో చాలా ప్లాన్ తోనే మాట్లాడసాగాడు .. ఆమెకి ఏమేమి ఇష్టమో, ఏమేమి ఇష్టం లేదో అన్నీ గుర్తుకు తెచ్చుకుని మరీ, ఒక లిస్టు తయారు చేసుకుని హీరోయిన్ కి ఇష్టమైన రీతిలోనే మాట్లాడసాగాడు, ఇంతక ముందు కాస్త ముక్కు మీద కోపంగా తనతో ప్రవర్తించినా అవన్నిటినీ పక్కనపెట్టి చాలా ప్రేమగా చొరవ తీసుకుని తనతో మాటలు సాగించాడు ఇలా,

       హే చూడు నేను మన పెళ్లి ఎలా జరగాలి అనని అనుకుంటున్నానో తెలుసా ?
     మన పెళ్లి అందరి అంగీకారం తోనే జరగాలి అది కాక ముందు మా డాడి ఒప్పుకోవాలి అందరికంటే - అని అంది అతని మాటలను ఆపుతూ ... హా(.... అవును తల్లి అందరి కారంతోనే.... మనం ముందు మీ ఇంటికి వెళ్లి మీ నాన్నగారితో  తో మాట్లాడి ఒప్పించాక నే  మన పెళ్లి సరేనా?

హ్మ్... అంది ఆనందంగా ... మరి మా నాన్నగారు ఒప్పుకోపోతే నొ.......   అని అంది మళ్ళి అమాయకంగా ...ఏమున్దీ మా ఇంట్లో పెళ్లి అన్నాడు నవ్వుతు... అరేయ్ కోపడకు

                                  మీ నాన్నగారు ఒప్పుకుంటే పెళ్లి మీ ఇంట్లో లేదా మా ఇంట్లో అన్నాను అంతే ........

హీరో :           అయినా మన పెళ్లి ఎప్పుడో అయిపొయింది గా ?
హీరోయిన్ :   ఏంటి ?మన పెళ్లి అయిపోయిందా? ఎప్పుడు?ఎక్కడ ?
హీరో :           హాఅ... అవును ఇద్దరు పిల్లలు కూడా కమల పిల్లలు (ఒక అమ్మాయి ,ఒక అబ్బాయి)
హీరోయిన్ :   ఏంటి పిచ్చి గాని ఎక్కిందా ? లేదా? ఇప్పుడే నిద్ర లేచావా?
హీరో :           లేదు డార్లింగ్ .. నాకు నిన్న ఒక కల వచ్చింది
హీరోయిన్ :   చాలా , కోపంగా .. ఏంటి ?
హీరో :          నో నో ... లేదు, డార్లింగ్ కాదులే .....కూల్ ....... సరేగానీ తర్వాత నువ్ మాట్లాడుదుగాని మొదట                              నా కల విను ... మన పెళ్లి గుడిలో అంగరంగ వైభవంగా జరిగింది
హీరోయిన్:    నేను ముందే చెప్పను ఇంట్లో అందరి అంగీకారం తోనే అనని
హెరాయిన్:   అమ్మా తల్లీ ... అది కల విను మొదట
హీరో:           తాళి కట్టాక అదే బట్టలతో మొదట మీ ఇంటికి వెళ్లి మీ ఇంటి గేటు ముందు నిలబడ్డాము మీ నాన్నగారి                    అసిస్సుల కోసం. వాళ్ళకి కోపం వుంటది కానీ మనమే కోపం తగ్గేదాకా ఇంటి గేటు ముందు అలాగే                             నిలబడి వుండాలి తర్వాత కొన్ని గంటల తర్వాత లోపాలకి రమ్మన్నారు...

హీరోయిన్ :   రమ్మని పిలవకపోతే ?
హీరో :           ఉహూ ......... ! నేను ఇంత సీరియస్ గా చెప్తుంటే నీకు కామెడీ గా వుందా .
హీరోయిన్ :   లేదు 2 రోజుల వరకూ లోపాలకి పిలవకపోతే ఏంటా పరిస్తితి అనని ...
హీరో :          కాల్లు నొప్పి వస్తే.... నేను నిన్ను ఎత్తుకుంటాలే. నాది జిం బాడీ, నాకేం నొప్పులు రావు గాని మొదట                        నేను చెప్పేది విను సీరియస్ గా  ఏం మాట్లాడకుండా
హీరోయిన్:   సరే సరే సీరియస్ ...
హీరో:           గుడ్ మై డియర్ అమ్ము
హీరోయిన్ :   ఇదేంటి కొత్తగా అమ్ము
హీరో:           డార్లింగ్ అంటే ఒప్పుకోవు కదా, అందుకే నీకు నేను పెట్టుకున్న ముద్దు పేరు. రేపు పెళ్లి అయ్యాక కూడా                    ఇలాగే పిలుస్తా /..
     
           సరే విను, అ తర్వాత మనల్ని అలా బయట నుంచో పెట్టడం ఇష్టం లేక లోపాలకి హారతి ఇచ్చి మరీ తీసుకు వెళ్లారట, తర్వాత మనం తిరిగి మా ఇంటికి వెళ్ళేటప్పుడు కూడా మీ నాన్నగారు కోపంతో ఆశీర్వదించలేదని నువ్వు మీ అమ్మ దగ్గర బాధ పడుతుంటే నేను ఒక ప్లాన్ వేసి .. వెళ్ళటానికి బస్సు కి డబ్బాలు లేవని మీ నాన్న ని అడిగి డబ్బులు తీసుకుని అవే అసిస్సులుగా దాచుకో అని నీకు ఆ డబ్బులు ఇచ్చానట,  తర్వాత మనం కలిసి మా ఇంటికి వెళ్తాము. మా ఇంట్లో అందరు నిన్ను ఆనందంగా  లోపలికి తీసుకుని వెళ్లి ,చిన్న పిల్లలతో సహా అందరు కబుర్లు చెప్తుంటే నువ్వు మీ అమ్మ నాన్నలనే మర్చిపోయవట ఆ తర్వాత మన సొబనమ్ పిల్లలూ, వారానికో సినిమా, సంవస్తారానికో స్టేట్స్ ట్రిప్ ... కొన్ని రోజులకి మీ నాన్న గారు కూడా మనతో కలిసిపోవడం అన్నీ జరిగాయి తెల్సా అని చెప్పాడు హీరో.

హీరోయిన్:      హలో మై డియర్ ..!అవన్నీ కలలో, నిజంగ జరగాలి అప్పుడు శుబం కార్డు పడేది
హీరో :             హ కలలు కనండి, అవి తతీరేదాకా కృషి చేయండి అనని అబ్దుల్ కలాం గారే చెప్పారు
హీరోయిన్ :     కలాం చెప్పింది పెళ్లి కలల గురించి కాదు ....
హీరో :             ఏదినా సరే మన ప్రయత్నం ఉండాలే గాని జరగనిది అంటూ ఏది వుండదు ...
                     ఎలా వుంది ఇంతకీ న క్రియేటివిటీ ..
హీరోయిన్ :    ఏడ్చినట్టు వుంది. ఓకే కూల్ ....  చాల బాగుంది కానీ అది కలే నిజం కాదు కాలేదు
హీరో :          ఎందుకు జరగదు, నేను నిన్ను బాగా చుసుకోలేనని బయమా? మనం స్టేట్స్ వెల్లిపోదాం, అక్కడ                            మనకి ఇష్టం అయిన manufacturing ఫీల్డ్ లో సెటిల్ అవుదాం. నెలకి నీకు ఒక 5లక్ష నాకు ఒక ఆ                          12లక్ష వస్తుంది చాలదా చెప్పు.నిన్ను హ్యాపీ గ చూసుంటాను ఏ కష్టము కలగకుండా ప్రామిస్!
హీరోయిన్ :   ఏమాత్రం ఒప్పుకోలేదు

                ఈ సారి మాత్రం హీరో కాస్త సీరియస్ గానే చెప్పాడు, కన్వింస్ చేసాడు కానీ ప్రయోజనం లేకపోయింది ఆమె నో అని చెప్పేసరికి ఏమి చేయలేక నీ కాల్ కోసం ఎదురు చూస్తూ వుంటాను, నీకు నా నుంచి ఏమినా సహాయం కావాలంటే ఒక్క కాల్ చేయి చాలు.  నీ కాల్ కోసం ఎదురుచూసే ఒక పిచ్చి ప్రేమికుడు అని కాల్ కట్ చేసాడు. మళ్లీ అతని దగ్గర నుంచి కాల్ రాలేదు, ఆమె కూడా కాల్ చెయలేదు ......................................

• నా స్నేహితురాలి యొక్క నిజమైన ప్రేమ కధ ఇది ..
• కనీసం చూసుకోకుండా కూడా వాళ్ళిద్దరి మద్య పుట్టిన ఫీలింగ్ అసలు నిజమైన ప్రేమేనా?
• అసలే తెలుగు, తమిళ్ - 2 విభిన్నమైన ఆచారాలు అలవాట్లు? పెద్దలు అందరూ అంగీకరిస్తారా, వాళ్ళిద్దరి పెళ్ళికి ? 
• కేవలం ఫోన్ సంభాషణలో హీరో చూపించే  తప్పితే అతని సంబాషణలు ఎంత వరకు నిజమో, అతను ఎలా ఉంటాడో, అతని ఫామిలీ ఎలాంటిదో? అతనికి ఏమేమి అలవాట్లు వున్నాయో? ఏమీ తెలియకుండా గుడ్డిగా ఆమె  అతన్ని పెళ్ళిచేసుకోడానికి ఒప్పుకుంటుందా ?

వాళ్ళు నిజంగా కలుస్తారా?

నిజమైన ప్రేమ ఎప్పటికి అయినా గెలుస్తుంది అని ఆసిస్తూ.....Signing Off by TEJU INNOVATIONS

hey guys ...! share your కామెంట్స్ / replies on this ...!